Writings Photos Code Contact Resume
تعمل ايه الجامعه مع اللى فى دماغه تبن ؟ :-)

You are here

Submitted by msameer on Thu, 17/08/2006 - 7:20am

لا يا بيه

لا تستطيع انتحكم على اسرائيل بالتحضر لان عندها جامعات من احسن الجامعات فى العالم و لا تستطيع الحكم على العرب بعدم التحضر لعدم وجود جامعات من احسن جامعات العالم.

ربما كان كلامك صحيحا و لكن اريد ان اخبرك بان العديد من الذين تعرفهم و تجلس معهم على الاقل مرة كل اسبوع هم خريجوا هذه الجامعات السيئة على حد تعبيرك

لا يا سيدى الجامعه مهمه بس المخ برضو كمان مهم. ولا ايه ؟ ;-)

Comments

Submitted by BooDy_ (not verified) on Thu, 17/08/2006 - 7:40am

CVirus: I'd rather live in a country where I'll be oppressed by a corrupted government and with a bad educational system than living in a country blood sheding the poor and hungry of other nations. every building in Israel is built upon the bones of kids so you just think about that whenever you think about their "universities". Yes we have our big share of problems but we don't kill others to live. We don't build upon other's misery

If Israel is a symbol of civilization then I'm proud to be uncivilized and I'm proud to be Egyptian

Submitted by AMS on Thu, 17/08/2006 - 10:19am

يعنى اسمحولى هو كلمة انتماء دى انتهت من قواميسنا خلاص ... أينعم وأوافق بشده اننا بنعانى من ظلم وفساد وتعليم فاشل وقمع وقهر الى أخر اللسته ... لكن هل د معناه ان بلدنا وحشه ؟

لامعلش المفروض نقف هنا لان زى مالبلد دى اتزرع فيها حضاره عظيمه شهدت لها الامم اتزرع فيها برده دمار
وفساد اذا فاأرضنا فى اﻷساس أرض طيبه خصبه تطرح كيفما تزرع فيها ....اذا العيب فى الزراع مش فى اﻷرض

هتقولوا على كلامى انشا ومش عارف ايه قولوا
هتقولوا انتماء ايه اللى جاى تتكلم عليه ... ماشى

بس البلد دى جزء منى وأنا جزء منها ولا يمكن أقدر أنفصل عنها وبدل ماأهرب من مشاكلى أحاول
أشوفلها حل بل وأقاتل من أجل ايجاد هذا الحل واللى مالوش كبير بيشتريله كبير ... ولا ايه

--AMS

Submitted by Anonymous (not verified) on Thu, 17/08/2006 - 11:46am

امال ايه معيار حضرتك للحكم على بلد بالتحضر أو التخلف

Submitted by bluerose (not verified) on Thu, 17/08/2006 - 1:45pm

لأ يا سمير ممكن تعتبر الجامعة جزء من معيار الحكم بالتحضر
المخ مهم جدا , بس مع الأسف مهمل مع مستوى الجامعة اللي فيه حاجات كتير جدا قابلة للإصلاح بس ماحدش عايز يصلح
عايزة اتكلم كتير جدا عن الجامعة و اللي فيها , بس دا أكثر موضوع بيخنقني و يسد نفسي عن الكتابة

Submitted by msameer on Fri, 18/08/2006 - 7:47pm

سورى يا اخ AMS انا زهقت من كتر ما قلت ان انا باحب البلد دى بالرغم من كل سلبياتها فا مش هارد عليك

الاخ اللى ماسبش اسمه: الجامعات احد وسائل لحكم على المجتمع لكن ان تكون وسيلة الحكم الوحيده فهذا هو الخطا من وجهة نظرى

بلو: اتفق معاكى ان الجامعة جزء من معيار الحكم لكن مش هى المعيار الوحيد
انت و انا اتعلمنا فى الجامعات البايظة دى لكن اسمحيلى اسالك: اتعلمتى حاجه فيها ؟ انا ما اتعلمتش
طب بلاش: عرفتى تتعلمى من غيرها ؟ اجابتك على اخر سؤال هى اللى انا باقصده
البيه معيار حكمه الوحيد هو الجامعه و هذا مالا اتفق معه فيه

تحياتى لكم جميعا

لو عايزه تتكلمى عن الجامعه انا ودانى مفتوحه.

Submitted by linuxawy (not verified) on Tue, 26/09/2006 - 6:19am

يا سيدى ما تزعلش أوى كده.. أخيرا جامعة القاهرة بقت فى تصنيف أحسن 500 جامعة فى العالم

http://ed.sjtu.edu.cn/rank/2006/ARWU2006TOP500list.htm..
صحيح فى الاخر حبتين بس مش مهم..
دخلنا التصنيف يا مينز.. ربنا يستر ونقعد هناك شوية وما يطردوناش السنة الجاية.

Add new comment

Subscribe to /  digg  bookmark