Writings Photos Code Contact Resume
I need an Arabic grammar book!!

You are here

Submitted by msameer on Sat, 05/11/2005 - 2:00am

عايز كتاب نحو يا جدعان اجيبه من انهى داهيه

عايزه لان عايز اشتغل على المدقق الاملائى العربى.
المشروع واقف وواضح طبعا انى هادبس فيه و اعمله والا عمرنا ماهيكون عندنا مدقق املائى عربى حر و مفتوح المصدر

لو حد يعرف ازاى بنرد الكلمة لاصلها الثلاثى او الرباعى او اى هباب يبعتلى الكلام ده او يدلنى على كتاب كويس!!!

Comments

Submitted by Alif (not verified) on Sun, 06/11/2005 - 6:13pm

أنت أحسن واحد يتصدى للموضوع دا يا سمير.
دا رأيي من يوم ما سمعتك بتتكلم في المؤتمر، و طبعا لما عرفت امكانياتك التقنية بعدين و اللغوية.

بعد المديح و الذي منه،،

كان فيه كتاب بيتوزع علينا لمّا ندخل أولى ثانوي فيه كل نحو الثانية (معظم النحو الأساسي و الشائع) في شكل مختصر و مركز.

Submitted by Abdulrahmanov (not verified) on Sun, 06/11/2005 - 9:37pm

Shouf ya ebny..
Ekhtaf reglak le 2ay wa7ed 2areebak fe sanawia 3amma aw le ay wa7ed beybee3 kotob madares 7atla2y 3ando ketab keda 100 page molakhas kol el na7w we el sarf elly akhadnah fe el madares.

Momtaz momtaz momtaz.

good luck

Submitted by msameer on Mon, 07/11/2005 - 2:24am

مانا اخدت كتاب اخى اللى فى اولى ثانوى
بس حاسس انو مش كفاية

على اى حال اكتشفت انى محتاج كتاب صرف مش نحو

على اى حال عمرو وعدنى بكتاب!

ربنا يسهل

Submitted by الست نعامة (not verified) on Mon, 07/11/2005 - 12:15pm

ممكن أساعدك يا محمد سمير عندي كتاب باستعين به لحد دلوقتي، ممكن اسلفه لك لو عايز.

Submitted by msameer on Tue, 08/11/2005 - 4:46am

لا حرمنى الله افضالك!

لو عمرو باعنى هاطلبه منك

Submitted by الست نعامة (not verified) on Tue, 08/11/2005 - 1:14pm

مايحرمكش مني أبدًا يا بني. زرورنا تجدوا ما يسركم. أهلاً وسهلاً

Submitted by رامي (not verified) on Fri, 11/11/2005 - 4:18pm

شوف يا سيدي،
فيه عدّة مصادر على النت للمترجمين وكده (دول عندي على كومپيوتر البيت هاحاول ألاقيهملك لما أروّح)،
لكن الأفضل كتابان نحو: واحد بتاع فؤاد خليل نعمة وده بيتباع في وسط البلد بس غالي على الفاضي، فيه جزء نحو وجزء صرف، واسمه: ملخص قواعد اللغة العربيّة- الناشر شركة نهضة مصر للطباعة والنشر والتوزيع

وفيه واحد أرخص وأصغر اسمه "قواعد اللغة العربيّة" وده إصدار مكتبة الآداب ٤٢ ميدان الأوپرا ت ٣٩٠٠٨٦٨

أمّا لو عايز أحسن حاجة للبرمجة، أعتقد أنّه كتاب "معجم قواعد اللغة العربيّة في جداول ولوحات" لواحد لبناني اسمه العقيد الركن/ أنطوان الدحداح،
وهو محوّل معظم القواعد والتصريفات لجداول تمهيداً لحَوْسبتها.
أنا اشتريته من معرض الكتاب من ييجي ١٥ سنة، وكلّ سنة بالاقيه هناك.

بالصدفة دلوقتِ لقيت القائمة دي فيها شويّة كتب نحو...

Submitted by msameer on Fri, 11/11/2005 - 10:48pm

يبقى لازم تسلفنى كل اللى عندك ;-)

Submitted by رامي (not verified) on Sat, 12/11/2005 - 10:00pm

لو مزنوق فيهم بجد، قول لمصطفى حسين يقول لأفريقانو يقول لماريان (espace de vie) تديلك كتاب أنطوان الدحداح علشان كتابي عندها....

الباقي معايا هنا في أمريكا :»
ـ

Submitted by msameer on Sun, 13/11/2005 - 11:42am

انا نسيت ان انت مش فى مصر

على اى حال انا لسه مش محتاجه

بس لو غربيه و الست نعامة باعونى هاجيلك على طول!

Add new comment

Subscribe to /  digg  bookmark